बेली डान्स सिक्दै कट्रिना

मुम्बई (एजेन्सी), श्रावण १२ - फिल्म 'राजनीति' बक्सअफिसमा सफल भएपछि नायिका कट्रिना कैफको सुन्दरताको मात्र नभई अभिनयकौ पनि चारैतिरबाट प्रशंसा गरियो ।

'ग्ल्यामर रोलमा मात्र सुहाउने नायिका' को ट्याग पाएकी कटि्रनालाई उक्त फिल्ममा

गरेको बेजोड अभिनयपछि त्यसबाट बल्लतल्ल छुट्कारा मिलेको छ । नृत्यमा रुचि राख्ने नायिका फिल्ममा खुट्टा हल्लाउन र कम्मर मर्काउन नपाएको धेरै समय बितेपछि सेटमा नृत्य 'मिस' गरिरहेकी छन् ।

हृतिक रोशनसँग 'जिन्दगी मिलेगी ना दुबारा'को छायांकनक्रममा स्पेन पुगेकी कटि्रनाले उक्त फिल्ममा त्यति नाच्ने मौका पाउने छैनन् । न त उनका पछिल्ला फिल्म 'अजब प्रेमकी गजब कहानी' र 'राजनीति' मा नै उनले नाच्न पाएकी थिइन् । त्यसैले त उनी फराह खानको पछिल्लो फिल्म 'तीस मार खान' को छायांकनमा जान उनी हतारिएकी छन् ।

'मलाई विभिन्न स्टाइलका नृत्य गर्न मन पर्छ,' कटि्रनाले आफ्नो नृत्यप्रेमबारे दर्शाइन्, 'फराहसँग फिल्ममा नयाँ स्टाइलको नृत्य गर्न इच्छुक छु ।' कोरियोग्राफरबाट निर्देशक बनेकी फराहको तेस्रो फिल्म 'तीस मार खान'मा कटि्रनाले फेरि नायक अक्षय कुमारसँग रोमान्स गर्दै छिन् ।

मोडलिङबाट अभिनयमा छिरेकी २६ वषर्ीया कटि्रनालाई फिल्ममा फराहले बेली डान्स गराउनेछिन् । पहिलोपटक पर्दामा बेली डान्स गर्न लागेकी नायिकाले 'शिलाकी जवानी...' बोलको गीतमा बेलेरिना बन्नेछिन् । 'नृत्यप्रति धेरै रुचि राख्ने भएकीले दर्शकलाई कटि्रनाको नृत्यकला देखाउन बेली डान्स गराउँदै छु,' निर्देशक फराहले भनिन् ।

कटि्रना हाल जोया अख्तरको 'जिन्दगी मिलेगी ना दुबारा' फिल्मको छायांकनक्रममै व्यस्त भएकीले कटि्रनाले नृत्यका लागि केही समय कुर्नुपर्ने छ ।

Categories

Widget by Scrapur